|
يا فالق الصبح يـا مولـج نهـارك بليـل
يا جامع الناس في يوم البعـث والنشـور |
عليك كل إتكالـي وأنـت نعـم الوكيـل
يا عالم بالمصيـر ومـا تكـن الصـدور |
يـا الله يـا الله تهدينـي سـواء السبيـل
وتعصم لساني عن الزلة وعن كـل زور |
الشعر موقف وحده مثـل حـد الصقيـل
لو كان كتلة من احساس البشر والشعـور |
يا ما رقا بـي ورقيتـه بـراس الطويـل
وياما سبح بي بحور وغصت به في بحور |
وانا ليـا حـان ميقاتـي قبسـت الفتيـل
واوقدت من نار فكري للمسافـات نـور |
واليوم لاهنت ياشعري مـا يخـدم بخيـل
ما دام سلحتك الافكار ما أنـت معـذور |
قدمك من العز ما يروي ظما كـل جيـلس
والفه تزرع الامجـاد فـي كـل بـور |
وقدمك لميع الهنـادي والقنـا والصقيـل
وقدمك من المجد ما ترويه كل العصـور |
مسافة العـز مـا تنقـاس كيلـو وميـل
بركانها ما خمـد وامجادهـا مـا تبـور |
يا موكب الشعر وقف واستمع لـي قليـل
حتى أني اعطيك للتاريخ رخصة عبـور |
سيرة بطـل مـا تغيبهـا حكايـة رحيـل
تبقى بوجه الزمن كالنحت فوق الصخور |
ما كانت أرض الجزيرة قبل ذاك الاصيلإ
لا تفكـك عقيـدة وانـحـدار ودبــور |
نهارهـا كـم قتيـل وليلهـا كـم قتيـل
جنايـز مالهـا فـوق البسيطـة قـبـور |
قويهـم سلطتـه تسلـب حقـوق الذليـل
وشيطانهم ساد والظلم انتشـر والفجـور |
وكلّ لخصمه من اصناف العـداوة يكيـل
وصدروهم من جهلهم بالمعاصـي تفـور |
ما للأمـن شجـرة فيهـا مقـر ومقيـل
ولا بينهم للمودة فـي الجزيـرة جسـور |
هذا قبل هيـت تخطيهـا عيـون الدليـل
وهذا قبل سطوة القرم العـزوم الصبـور |
النادر اللي على العارض يهيـم ويخيـل
من يوم عمره عشر شوره غلب كل شور |
من قو باسه صنع ممكن مـن المستحيـل
ومن طيب راسه يحل معقـدات الامـور |
زهابه الصدق والاخلاص حمل الصميـل
وسلاحه الدين والتقـوى سـلاح الغيـور |
جمع شتات القبايل لين صـاروا فصيـل
واخوان عقب التناحر والجفا والشـرور |
وحكم بشرع الكتاب اللي ما غيره بديـل
وعم الفرح فالبلاد وسـاد كـل السـرور |
لا مال ميزان غيـره مـا يحيـد ويميـل
في حضرته ينكسر راس الجهل والغرور |
شخصيته ما لها فـي كـل جيلـه مثيـل
تجف الاقلام وبمدحـه تضيـق السطـور |
والله ليبطن ماجابـن ناقضـات الجديـل
مثله ولا اقول في كل النشامـى قصـور |
ويـا الله يامستجيـب للدعـاء يـا جليـل
من عبدك اللي لك مطيع وذليل وشكـور |
ترسل على قبر ابو تركي صدوق المخيل
وسم يساقيه من غـر السحـاب البكـور |
وتهل فوقـه بسيـل مـا يلاديـه سيـل
وترحم عظامه وتغفر زلتـه يـا غفـور |
وتجمع به المصطفى في جنتك والخليـل
وتحفظ عياله مواكير الحـرار الصقـور |
وانك تجمـل وتهدينـي سـواء السبيـل
وتعصم لساني عن الزلة وعن كـل زور |
الجمعة فبراير 01, 2008 12:23 pm
